сподобляется. Поучи же его и о ползи, глаголя: «Чадо, вьсприалъ еси священичества сань, темь подобает ти по апостолу немощних носити немощи. И не себе угаждати, нь искрьнимь, якоже и Христос не себе угоди». И прочаа многаа же ина изрекь ему о ползи, и о Христе, целование давь, отпусти его вь свой ему монастиръ.
Времени же немногу минувшу, пакы въстаеть диаволъ, не терпе себе от святого прогонима, и претворися въ змии, и бяше келиа его пльна змии, яко тои самои земли не видетися от множества змий. Святий же тькмо молитву сьтвори, абие без вести техь сьтвори. И отоле дарова ему Богь власть над духи нечистиа, яко никакоже смети приближитися ему.
Слух же его слышан бысть повсюду. И многы от окрестних град и странь сьтицахуся. Прииде же и некто от Смоленска, архимандрит Симонь именемъ, и многа